Oinezkoen segurtasuna handitzeko margoketa lanak egin dituzte Jaizkibel etorbidean
Espaloi faltak oinezkoa alde batetik bestera gurutzatzera behartzen du, beraz, haren segurtasuna bermatzeko asmoz burutu ditu margoketak udalak.
Espaloi faltaren aurrean, errepidean oinezkoei bideratutako bidea margotu du udalak. 
Oinezkoen segurtasuna handitzeko helburuarekin, margoketa lanak gauzatu ditu Hondarribiko Udalak Jaizkibel etorbidean. Gonzalo Carrion Obra eta Zerbitzuetako zinegotziak azaldu duenez, espaloi faltaren ondorioz alde batetik bestera gurutzatzea ezinbestekoa duute oinoezkoek, eta horrek sortutako arriskua txikitzea da helburua.
Hortaz, goranzko norabidean errepidearen eskuinaldean oinezkoei zuzendutako bide bat margotu du udalak, baita zebra bide bat ere, alde batetik bestera seguruago gurutzatu dezaten.
