Segurtasun tartea bermatu ezin bada maskara derrigorrezkoa dela gogorarazi du udalak
Herritarrentzako duen "garrantzia ikusita eta ezaguna izan dadin" maskaren erabileraren inguruko xedapenak biltzen dituen bandoa plazaratu du tokiko gobernuak.
Hondarribiko Udalak maskaren erabileraren gaineko bandoa publikatu du. Herritarrentzako duen “garrantzia ikusita eta ezaguna izan dadin” Espainiako Osasun Ministerioak SND/422/2020 aginduan jasotako xedapenak bando batean jaso ditu udalak. Horren arabera, sei urtetik gorako pertsonek maskarak erabili beharko dituzte bide publikoan, eta espazio irekietan zein itxietan ere, baldin eta bi metroko segurtasun distantzia bermatzea ezinezkoa bada.
Hala eta guztiz ere, hainbat salbuespen aurreikusten ditu aginduak, hala nola: maskara erabiltzeagatik arnasa hartzeko zailtasunen bat duten pertsonak; behar bezala justifikatutako osasun arrazoiengatik maskararen erabilera kontraindikatuta duten pertsonak, edo aniztasun funtzionala edo mendekotasun arrazoiengatik haren erabilera bideraezin egiten duten jokabide aldaketak dituztenak; haien izaeragatik maskara erabiltzearekin bateraezinak diren jarduerak garatzea; eta, ezinbesteko kausa edo premia egoerak.
Bertan irakur daiteke maskaren erabileraren gaineko bandoa bere osotasunean.
