Cliche talde irundarrak zuzeneko kontzertua eskainiko du, online bidez
Ostirala arinduko diete irundarrei, poprock doinuekin. 18:00etan hasiko dute kontzertua, udalaren Instagram kontu ofizialean.
![](https://bidasoa.hitza.eus/site/files/2020/05/cartel_cliche.jpeg)
Datorren ostirala (hilak 22) arintzeko proposamen berri batekin heldu da Irungo Udaleko Gazteria saila. Irungo Cliche taldeak zuzeneko kontzertua eskainiko du, modu telematikoan. 18:00etan hasiko dute saioa, udalaren gazteria sailaren Instagram kontuan (@Gazteartean) ikusteko aukera izango da.
2019an sortutako poprock taldea da Cliche, Asier Perra (ahotsa), Ruben de la Iglesia (gitarra) eta Ander Saenz (perkusioa) musikariek osatutakoa.