Filmak aurkezteko epea luzatu du Ficab jaialdiak
Aurtengo edizioan parte hartzeko epea luzatzea erabaki dute, larrialdi egoera dela eta. «Ezer berririk jakinarazi bitartean», filmak aurkeztu daitezke.
Oiasso Museoa bisita gidatuen bigarren geltokia da. Gaur (hilak 15) Bidasoko Nazioarteko Zinemaldi Arkeologikoaren (FICAB) XX. edizioan filmak aurkezteko azken eguna izan arren, antolatzaileek epea luzatzea erabaki dute, larrialdi egoera dela eta. Oiasso Erromatar Museoak jakinarazi duenez,«ezer berririk jakinarazi bitartean», ikus-entzunezkoak aurkeztu daitezke. Jaialdia, azaroaren 16tik 21era egingo dute, egoerak baimentzen badu noski.
Motorrak berotzen hasteko, eta herritarrei ere konfinamendua arintzeko asmoz, aurreko edizioetako filmak eskaintzen ari dira online bidez. Museoak Youtube sare sozialean duen kontuan ikus daitezke. Horrez gain, asteleheneko (hilak 18) Museoen Nazioarteko Egunaren harira, proposamen ugari egin dituzte.
