Ateak zabaldu ditu berriz ere hilerriak
Ehorzketak, hileta elizkizunak eta bisitak baimendu ditu berriro udalak, eta maskarak zein desinfekzio gela erabiltzea gomendatu du.
Hondarribiko hilerriak ateak ireki ditu berriz ere. 
Hondarribiko Udal Hilerria zabalik dago berriz ere. Ehorzketak, hileta elizkizunak eta bisitak baimendu ditu udalak, garai honetako ohiko ordutegian, 08:30etik 20:00etara. Osasun segurtasun neurriak betetzea ere gomendatu du tokiko gobernuak, hala nola, maskarak eta desinfekziorako hidrogela erabiltzea, baita bi metroko segurtasun distantzia gordetzea ere bizikideak ez direnen artean.
Hileta elizkizunak egiteko interesa duten herritarrek aldez aurretiko hitzordua hartu beharko dute, udalak adierazi duenez, 622000723 eta 943642082 telefono zenbakietara deituta. Gehienez hamabost lagun elkartu ahal izango dira eta asko jota 30 minutuko iraupena izango du. Hitzordua hartzeko ordutegia astelehenetik ostiralera 08:30etik 12:30era eta 15:00etatik 18:00etara, eta larunbatetan 08:30etik 12:30era dela zehaztu du udalak.
