Hiriko merkatari eta ostalariei bultzada emateko kanpaina berri bat hasi du udalak
Osasun larrialdiak hiriko merkataritza eta ostalaritzan ere eragindako ondorioei aurre egiten hasteko, ' Zuregatik, guztiongatik, Irun bizirik guztion artean' kanpaina hasi dute.
Kanpainarako sortu duten kartela. Osasun larrialdiak hiriko merkataritza eta ostalaritzan ere eragindako ondorioei aurre egiten hasteko, egitasmo berri bat aurkeztu du Irungo Udalak, Zuregatik, guztiongatik, Irun bizirik guztion artean lelopean.
Hogei bat merkatari eta ostalari hartuko dute parte kanpainan, eta kanpainarako espresuki sortutako kartelak zintzilikatuko dituzte denda eta tabernen kanpoaldean. «Irundarrak hiriaren berreskurapenaren parte izatea nahi dugu. Denok gure hondar aletxoa jarri dezakegu», adierazi du Jose Antonio Santano alkateak. Horregatik, datozen aste eta hilabeteotan Irunen bertan erostera animatu dituzte irundarrak.
Kanpainarako, kartelaz gain, bideo bat ere osatu dute: «bertan, bizitzaz beteriko Irun hori islatzen da», azaldu du alkateak. Kanpainaren gaineko informazio eta xehetasun gehiago, lotura honetan eskuragarri jarri ditu udalak (Irun Aurrera atalean).
