Txirrindularientzako errepideak berreskuratzen hasi da udala
30 kilometro orduko abiaduran gidatu daitekeen errepideetan bizikletentzako seinaleztatzea margotzen hasi dira, erabiltzaileek bide horiek ere erabil ditzaten.
Txirrindularientzako seinaleztatzea margotu dute hiriko zenbait errepidetan. Deskonfinamendu garaian irundarren mugikortasuna hobetzeko asmoz, hiriko erdiguneko zenbait kale eta etorbide bizikleta erabiltzaileentzako berreskuratzen hasi da udala. 30 kilometro orduko abiaduran gidatu daitekeen errepideetan bidegorri moduko bat margotzen hasi dira, txirrindulariek horiek ere erabili ditzaten. Zehazki, Kolon pasealekuko, Nafarroa eta Gipuzkoa etorbideetako eta Zubiaurre eta Hondarribia kaleetako errepideetan txirrindularientzako seinaleztatzea egiten ari dira.
