Uliazpin kutsatutako hamahiru lagunak sendatu dira dagoeneko
Gipuzkoako Foru Aldundiak zabaldu duenez, ez dago pertsona gaixorik jada zentroan.
Uliazpi zentroan zeuden kutsatuak senda agiria jaso dute dagoeneko, eta gaitzaren zabalpena etetea lortu dute. 
Uliazpi zentroan dagoeneko ez dago gaixorik. Hala jakinarazi du Gipuzkoako Foru Aldundiak, Covid-19 birusak jota zeuden hamahiru lagunak sendatu dira jada eta uneotan, ez dago kutsaturik aniztasun funtzionala duten lagunen egoitzan.
Konfinamendua hasi eta egun gutxira baieztatu zuen diputazioak Uliazpi zentroan sei koronabirus kasu zeudela. Gaitza azkar hedatu zen eta egun gutxiren bueltan bikoiztu zen kutsatuen kopurua. Hala eta guztiz ere, eriak bakartu eta birusaren zabalpena etetea lortu zuten. Hedapena geldiarazteko helburuarekin, denbora honetan desinfekzio lanak ere burutu ditu aldundiak eraikinean.
Goizak aurrera egin ahala kopuruak gaurkotzen joango da HITZA.
