Udaberriari ongietorria emateko proposamena luzatu diete txiki eta gaztetxoei
Eguzki bat margotu, eguzkitako betaurreko «bereziak» diseinatu, eta sorkuntza leihoan edo balkoian zintzilikatzera deitu du Prebentzio Komunitarioak
Prebentzio Komunitarioko arduradunek adibide gisa diseinatutako eguzkia. 
Eguzkia leihoetan. Horixe proposatu die Hondarribiko Prebentzio Komunitarioak herriko gaztetxo eta txikiei: eguzki bat margotu eta eguzkitako betaurreko «bereziak» prestatu. Ondoren, etxeko balkoian edo leihoan zintzilikatzea da helburua, zergatik? Auzokideek ere eguzkia ikus dezaten.
Betaurrekoak egiteko gogokoen duten materiala erabiltzeko aukera eman die Prebentzio Komunitarioak, «baina gogoratu, sukaldean aurkitu ditzakezun gauzak izan behar dira».
