Irunen bakarrik egin du aurrera koronabirusak
Irunen bakarrik egin du aurrera koronabirusak. Azken orduetan lau gaixo gehiago daudela jakinarazi du Osasun Sailak. Hondarribian, positibo berririk ez.
![](https://bidasoa.hitza.eus/site/files/2020/04/bidasoa-datuak.png)
Egunero bezala, Osasun Sailak gaur eguerdian eman ditu koronabirusaren gaineko datu zehatzak herriz herri. Atzoko (apirilak 1) 20:00ak arte kontatutako kasuak dira, denera. Kontuan hartu behar da datu horiek orain arte eman diren koronabirus datu konfirmatuen metaketa dela, martxoaren 18tik pilatzen joan direnak; litekeena da horietako batzuek jada senda-agiria jaso izana.
Atzoko datuen arabera, Irunen lau positibo gehiago daude, Hondarribian berean jarraitzen duelarik gaixoen kopuruak.
Bidasoko Ospitalean Covid-19 birusagatik ingresatutakoen kopurua 20 pertsonakoa da, eta horietatik inor ere ez dago zaintza bereziko geletan. Azken orduetan, lau herritarrek jaso dute senda-agiria.
Azken txosten horren arabera, hauek dira herriz herrikako datuak Bidasoan; parentesi artean martxoaren 31n jasotakoekin dagoen aldea.
- Irun: 112 (+4)
- Hondarribia: 14 (=)
Jarraian dagoen grafikan, Bidasoko positibo konfirmatuen bilakaera ikus daiteke, hilaren 18tik.
Jarraian dagoen estekan, Osasun Sailak gaur eman dituen datuak, txostenean.