Gizarte Zerbitzuekin lotura duten diru-laguntzak hilaren 31n ordainduko ditu udalak
Bihar izapidetuko dituzte ordainketak eta hilaren amaierarako jasoko dituzte martxoko Emergentzia Sozialeko eta energiarekin lotutako laguntza ekonomikoak onuradunek.
Hondarribiko Gizarte Zerbitzuen departamentua. 
Gizarte Zerbitzuek martxoari dagozkion Emergentzia Sozialeko eta energiarekin lotutako diru-laguntzak izapidetuko dituela bihar jakinarazi du Hondarribiko Udalak. Onuradunek asteartean, hilak 31, jasoko dituzte laguntza ekonomikoak modu horretan.
Gotzone Larrarte departamentuko zinegotziak lanean jarraitzen dutela gogorarazi du, eta ohartarazi duenez, «laguntza beharra duenari laguntzeko gaude eta buru-belarri gabiltza horretan»
