Asteburu honetan helduko diote Ezagutu zure hiriaren otsaileko saioari
Eguraldi txarra medio Jaizkibelgo dorreen inguruko hitzaldia eta bisita gidatua bertan behera uztea erabaki zuen Arma Plaza fundazioak.
Jaizkibelgo IV. dorrea eraberritze lanen aurretik.
Arma Plaza fundazioak jakinarazi duenez, asteburu honetan helduko diote Jaizkibelgo IV. eta V. dorreen inguruko Ezagutu zure hiria saioari. Iragan asteburuan egitekoak ziren hitzaldia eta bisita gidatua bertan behera utzi zituen fundazioak eguraldia medio.
Hori horrela, hilaren 7an larunbatarekin, bisita gidatua aurrera eramango dute, eta horretarako hitzordua San Juan de Diosen finkatu dute, 11:00etan. Ezinbestekoa da aldez aurretik izena ematea. Informazio gehiagorako 943643677 edo 943644623 telefono zenbakietara dei dezakete interesatuek, edo ondoko posta elektronikora idatzi.
