Martxoaren 8a hilaren 19era bitarte luzatuko dute Irunen
Irungo Udalak eta hiriko zenbait elkarte feministek M8arekin lotutako egitarau zabala prestatu dute.
Gaur aurkeztu dute egitaraua. Irungo Udaleko Berdintasun sailak ere martxoaren 8ko egitarau zabala prestatu du. Gaur aurkeztu dute Jose Antonio Santano alkateak, Berdintasun saileko ordezkari Rebeca Gonzalez eta hiriko zenbait talde feministek. Zehazki, Argoiak, Parean, Uxoa, Bidasoko Elkarte Feminista eta Gaurko Andreak elkarteekin batera osatu dute egitaraua.
Otsailaren 28an (ostirala) M8arekin lotutako egitarauari hasiera eman zioten, eta hilaren 19era bitarte luzatuko dute. Ikus-entzunezkoak, hitzaldiak, antzerkiak, tailerrak, erakusketak, omenaldiak… Denetarik izango da. Honakoa da egitarau osoa:
- Hilak 4 (asteazkena): 13:30ean ahizpatasun bazkaria, Sugarri jatetxean (Argoiak elkartea); 17:30ean, film feminista baten proiekzioa, Martindozenea Gaztelekuan.
- Hilak 5 (osteguna): 17:30ean berdintasunaren aldeko txapak sortzeko tailerra, Martindozenean; 19:00etan, Asun Casasola Ipuin Lehiaketaren sari banaketa (Parean elkartea), Bronte liburudendan.
- Hilak 6 (ostirala): 17:30ean, Estereotipoak ebakiz tailerra, Martindozenean; 18:00etan, Se vende una mula antzezlana (Uxoa elkartea); 20:00etan, Sua, irabazi arte dokumentala, Amaia KZn.
- Hilak 8 (igandea): 11:45an elkarretaratzea San Juan plazan, Egunero izan beharko luke martxoak 8 lelopean.
- Hilaren 9tik 15era bitarte: Udal haurtxokoetako haurrek egindako lanak ikusgai izango dia Laboral Kutxaren erakusketa aretoan (astelehenetik larunbatera 17:00etatik 19:30tara eta larunbat eta igandetan 11:00etatik 13:30tara.
- Hilak 9 (astelehena): 17:00etan, hitzaldi solasaldia (Uxoa elkartea); 18:00etan, Carmen Alborchen omenezko bideo proiekzioa (Bidasoko Elkarte Feminista), Behobiako Adinekoentzako Gizarte Zentroan.
- Hilak 10 (asteartea): 17:00etan, solasaldia San Miguel auzoko Adinekoentzako Gizarte Zentroan (Bidasoko Elkarte Feminista); Mujeres, casas y ciudades liburuaren aurkezpena, CBAn.
- Hilak 11 (asteazkena): 17:00etan, Una vida entre pinceles hitzaldi-solasaldia (Uxoa elkartea), Uxoa elkartean bertan; 17:00etan, En las ramas de la historia poema emanaldia (Argoiak elkartea), Argoiak elkartean bertan.
- Hilak 12 (osteguna): 19:00etan, Emakumeen ahotsa III. zikloaren hitzaldia, Palmera Montero Gunean (Gaurko Andreak).
- Hilak 13 (ostirala): 19:00etan, hitzaldi solasaldia (Bidasoko Elkarte Feminista), Palmera Monteron.
- Hilak 14 (larunbata): 17:00etan, bideoforoa eta solasaldia (Bidasoko Elkarte Feminista), Behobiako Adinekoentzako Gizarte Zentroan.
- Hilak 18 (asteazkena): 17:00etan, 5 horas con Mario antzerkia, Argoiak elkartean.
- Hilak 19 (osteguna): 19:00etan, Emakumeen ahotsa III. zikloaren foruma, Oiasso Museoan (Gaurko Andreak).
