Ehunka elkartasun argazki jaso ditu Hondarribiko Gaztetxeak
Hilaren 8an eman zuten Egiluz jauregia husteko aginduaren berri. Geroztik, hamarnaka herritarren babesa jaso dute gazteek.
Dozenaka elkartasun argazki jaso ditu Hondarribiko Gaztetxeak azken bi asteotan.
Hondarribiko gazteek Egiluz jauregia husteko agindua jaso zutenetik adin guztietako herritarrek helarazitako ehunka elkartasun argazkiak eskertu nahi izan dituzte. Hondarribiarren gehiengoak denbora tarte honetan adierazitako sostengua eta babesa erabatekoa izan da gazteentzat, eta jasotako elkartasun irudi guztiekin collage bat osatzea erabaki dute.
Ondokoa argitaratu dute gazteek gaztetxearen Twitter kontuan: «Harro esan dezakegu beharrezkoak garela. Ehunka elkartasun argazki jaso ditugu adin guztietako hondarbitarren partetik desalojoaren kontra. Argi dago gazte langileok espazio bat behar dugula, egunerokoan gure behar materialak asetzeko»
