Xabi Basterra, ostegunean Lakaxitan
Xabi Basterra laudioarra 'Zero' diskoa ari da aurkezten. Lakaxitako emanaldia 20:00etan hasiko da. Eremu intimoa sortuko du folk doinuekin.
Xabi Basterra. Xabi Basterrak kontzertua emango du ostegunean (otsailaren 25ean) Irungo Lakaxita gunean. 20:00etan hasiko da emanaldia, eta sarreren prezioa bost eurokoa da.
Laudiokoa (Araba) da Basterra. Zero izeneko diskoa ari da aurkezten, kutsu intimoko lana. Euskal Herrian nahiz atzerrian ari da bere sorkuntzaren berri ematen. “Zintzotasuna, samurtasuna eta sendotasuna” aldarri dituen diskoa azaleratuko du Lakaxitatik esan dutenez, gaztelaniaz gehienbat, baina baita euskaraz ere kantatutako folk doinuekin ere.
Basterraren musika entzuteko, sartu hemen.
