Lannahi programan izena emateko epea astelehenean zabalduko du euskaltegiak
Euskara ikasi nahi duten langabeei zuzenduta dago programa, debalde da, eta martxoaren 2tik 10era bitartean izena eman ahal izango dute interesatuek.
Irungo Udal Euskaltegia.
Lannahi programaren hirugarren txanda martxan jarri du dagoeneko Irungo Udal Euskaltegiak. Euskara ikasi nahi duten langabeek parte har dezakete ikastaroan, debalde da, eta martxoaren 23tik ekainaren 22ra garatuko da. Izen ematea martxoaren 2tik 10era bitartean egongo da zabalik, HAZen helbide elektronikoan edo egoitzan bertan.
Ikastaroan parte hartzeko baldintzen artean, Lanbiden izena emanda egoteaz gain, gutxienez %50eko langabezia egoeran egon beharko dira interesdunak. Euskara mailari dagokion azterketa ere egitea ezinbestekoa, eta euskaltegiaren 943505273 telefono zenbakira deitu beharko dute horretarako.
