[Galeria] Sutara kondenatu dute Miel Otxin, beste urte batez

Lantzeko inauteria Irunera iritsi da gaur Kemen dantza taldearen eskutik. Miel Otxin epaitu, eta sutara bota dute azkenean.

Lantzeko inauteria irudikatu dute Kemen dantza taldekoek gaur eguerdian Irunen.

Rebeka Ruiz

Irun

2020/02/22

Lantzeko inauteria Irunen ikusi ahal izan da gaur eguerdian Kemen dantza taldearen eskutik. Pio XII plazan hasiera eman diote inauteriari Miel Otxin, Zaldiko, Txatxoak, Ziripot eta Perratzaileak jendaurrean aurkeztuz. Hainbat dantzen ondoren, kalejiran abiatu dira parte hartzaileak Zabaltza plazara.

Herritar ugarik bat egin dute ikusle moduan Kemenek antolatutako euskal inauteriarekin. Zabaltza plazara iristean, Miel Otxin epaitu eta ihesera jo du pertsonaiak. Kalejiran abiatu dira berriz ere Kemeneko dantzariak eta Adaxka harrobiko gazteak ere. Azkenean, San Juan plazara iritsi direnean sutara kondenatu dute Miel Otxin.

Hamarnaka herritarrek txalotu dute Kemen dantza taldeak antolatutako inauteria. Irungo erdiguneko kaleak kolorez eta festaz betetzea lortu dute elkarteko 200 bat kidek.

Ondokoa da HITZAk bildutako argazki sorta.

Inauteriak 2020. Lantzeko inauteriak Irunen. (Larunbata)

Erlazionatutako edukiaTokiko ohiturari gorazarre

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.