Inauterietako erakusleiho lehiaketan izena emateko epea zabalik dago
Hilaren 15era arte izena eman dezakete txapelketan parte hartzeko interesa duten saltokiek, eta 17tik 25era bitartean apainduta egon beharko dute.
2018ko Inauterietako erakusleiho lehiaketan parte hartutako komertzioa. 
Inauterietako mozorro festa saltokietara ere iritsiko da aurki. Hondarribiko Inauterietako X. Erakusleiho Lehiaketan parte hartzeko epea zabalik dela gogorarazi du Maria Serrano Turismo eta Merkataritza zinegotziak. Hilaren 15era arte eman ahal izango dute izena interesdunek, BAZ bulegoan, eta hilaren 17tik 25era apaindu beharko dituzte euren establezimenduetako erakusleihoak.
Epaimahaiak diseinua, sormena, irudi komertziala eta produktuaren aurkezpena izango ditu kontuan, udaletik jakinarazi dutenez. Erakusleiho onenentzat 450, 300 eta 200 euroko hiru sari izango dira denera.
Erlazionatutako edukia2020ko Inauterietako kartel lehiaketa abiatu du udalak
