Beldurraren inguruko hausnarketa bultzatzea da estreinatu berri den lanaren helburua. Auditorioan egongo da ikusgai bihar, 18:00etan.
'Ikimilikiliklik' Marie de Jongh konpainiaren antzezlana (Irudia: Pio Ortiz de Pinedo) 
Marie de Jongh antzerki konpainiak Ikimilikiliklik ikuskizuna eramango du bihar Itsas Etxea auditoriumeko oholtza gainera (18:00). Beldurraren inguruko hausnarketa bultzatzea bilatzen du Jokin Oregik eta Ana Meabek sortutako antzezlan berriak.
Sinopsiak dioen bezala, sorginik gabeko sorgin istorioa da biharkoa, ausartik gabeko ausartena, magorik gabeko istorio magikoa. Marie de Jongh konpainiaren proiektu honek neska/emakume bat du protagonista, haurtzaroan sorginen beldur zen arren, sorgin bihurtzen dena.
Haur eta familiei zuzenduta dago antzezlana konpainiako kideek gogorarazi dutenez, zazpi urtetik gorako umeentzat zehazki. Sarrerak hiru euroan daude salgai; aldez aurretik Interneten eta Arma Plazan, eta egunean bertan saioa hasi baino bi ordu lehenago leihatilan.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Bidasoko euskarazko komunitatearen parte izan nahi dudalako. Bidasoak eta bidasoarrok behar dugulako. Zure ekarpena behar dugu, babestu tokiko euskarazko komunikabidea.
