[Galeria] Babes txikia jaso du greba orokorrak Hondarribian
Saltoki eta taberna gehienek ez dute U-30eko Greba Orokorreko 'Lan, Pentsio, Bizitza Duina' aldarrikapenarekin bat egin; komertzio bakan batzuk eta udal lantokiak salbuespen izan dira.
Hondarribiko Udal Liburtegiko langileek U-30eko Greba Orokorra babestu dute. 
Hondarribiko herritarren gehiengoak ez du U-30eko Greba Orokorrerako deialdia babestu. Zaldunborda Gelditu non-nahi irakur zitekeen arren, Lan, Pentsio, Bizitza Duina lelopean Euskal Herriko Eskubide Sozialen Kartak egindako deialdiarekin gutxi batzuk bat egin dute. Hala, alde egin dutenen artean daude, besteak beste, Hondarribiko Udaleko Biztanleen Arreta Zerbitzuko (BAZ), Gazteen Zerbitzuko (GAZ) eta liburutegiko langileak, Hondartza kiroldegiko beharginak, Elay lorezainak, eta zenbait saltoki ezagun eta taberna.
Bidasoko deialdiak Irunera gerturatzera deitu ditu hondarribiarrak eta beraz, herrian ez da izan egunerako espresuki egindako deialdirik. Horrek eguna gehiegi ez girotzea ekarri du seguru asko herritarren artean. Arratsaldean Mendeluko biribilgunetik San Juan plazara manifestazioa egingo dute, 17:30ean.
