U-30 GREBA OROKORRA
Ipar eta Hego Euskal Herriko borrokek bat egin dute Santiago zubian
Dozenaka herritarrek erantzun zioten atzo LABen deialdiari. Bi giza katek bat egin zuten, «Ipar zein Hego Euskal Herriko borrokek bat egiten dutela irudikatzeko, eta nazio izaera ere aldarrikatzeko».
Bi giza kateek bat egin zuten zubian. Dozenaka herritar bildu ziren atzo Irungo Santiago zubian, «Ipar zein Hego Euskal Herriko borrokek bat egiten dutela irudikatzeko, eta nazio izaera ere aldarrikatzeko». LABek deitutako giza kate bikoitza osatu zuten bertan, bi frontetan banatuta heldu ziren manifestariak. Lehen taldea Irungo Gizarte Segurantzatik abiatu zen, Pentsio duinak lelopean. Bigarrena berriz, Hendaiako udaletxetik, Hemen erabaki lelopean.
Bi giza kateak Santiago zubian elkartu ziren. “Hemen badago herri bat, mugaz bi aldeetara, pentsio duinen alde borrokatzen ari dena”, adierazi zuen Twitter bidez LABeko idazkari nagusi Garbiñe Aranburuk. Bide batez, biharko greba orokorrerako deialdia luzatzeko probestu zuten atzoko mobilizazioa. Honakoa da Irunen izango diren mobilizazioak:
- 07:15: pikete informatiboak Gabiriako poligonoan.
- 09:00: San Juan plazan elkartzeko deialdia.
- 10:45: Gabiriako poligonotik Donostiara auto karabana.
- 12:30: Donostian herrialdeko manifestazioa.
- 17:30: Bidasoko mobilizazioa, Mendeluko biribilgunetik San Juan plazara.
Erlazionatutako edukiaGreba orokorrerako deia egin dute Bidasoan ere bai
