Mahai tenis zalez beteko da Sonia Etxezarreta zentroa larunbatean
Enpresen Arteko IV. Mahai Tenis Txapelketa jokatuko dute. 2 edo 3 laguneko taldeak osatu daitezke eta aurten bakarka ere parte hartzeko aukera izango da.
Leka Enea taldeko, Ekialde tabernako eta Conecta Bidasoa-ko ordezkariak. Datorren larunbatean (hilak 25) Mahai Teniseko Enpresen arteko IV. Txapelketa jokatuko dute Sonia Etxezarreta teknifikazio zentroan. Leka Enea taldearen, Bar Ekialderen eta Conecta Bidasoa hedabidearen elkarlanaren emaitza da txapelketa. Antolatzaileek jakinarazi dutenez, jada izena eman daiteke (bihar da azken eguna), helbide honetara idatziz.
Berritasunekin dator laugarren edizioa. 2 edo 3 laguneko taldeak osatu daitezke, eta 12 euro ordaindu beharko ditu talde bakoitzak. Halere, bakarka ere parte hartzeko aukera izango da aurten, bost euroren truke.
Egun osoz luzatuko dute txapelketa. Informazio guztia, lotura honetan eskuragarri.
