'Zizelkariak' ikus-entzunezkoak, 'Joana Maiz' komikiak eta 'Argi-izpiak txarrantxen artean' ikerlan bildumak osatuko dute lehen hiruhilekoaren eskaintza.
Balagan, urte hasierako egitaraua.
Blagan euskara elkarteak datozen kultur ekitaldien berri eman du gaur sare sozialen bitartez. Lehenik eta behin, hilaren 24ean ostiralarekin, Zizelkariak izenpeko dokumentalaren aurkezpena eta proiekzioa antolatu dute gaztetxean, 19:00etan. Blaganeko kideez gain, Topatu ekoiztetxeko egileek ere parte hartuko dute hitzorduan. Euskal Herriko sei ertzetan hainbat arlotan borrokan ari diren sei gazteri ahotsa ematen die ikus-entzunezkoak
Datorren otsailaren 12rako aurreikusi du euskara elkarteak hurrengo saioa. Bertan, Joana Maiz Yurre Ugartek eta Joseba Larratxek idatzitako komikiaren aurkezpena egingo dute, Kultur Etxeko 103. aretoan, 19:00etan.
Azkenik, Argi-izpiak txarrantxen artean Oihana Etxebarrietak, Maria Ruizek eta Laura Varak idatzitako bilduma aurkeztuko dute Kultur Etxeko 103. aretoan, 19:00etan. Espetxeratutako emakumeen inguruko ikerlanen bilduma txikia da jendaurrean ezagutaraziko dutena. Etxebarrietak eta Ruizek parte hartuko dute saioan.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
