Bi urteko borroka ospatuko dute Txingudiko pentsiodunek
Astelehenean (hilak 13) elkarretaratzea berezia egingo dute; besteak beste, sagardoa eta txistorra pintxoak banatuko dituzte bertaratutakoen artean.
2019ko martxoaren 30ean Txingudiko pentsiodunek deitutako manifestazioa. Txingudiko Pentsiodunen Mugimenduak jada bi urte bete ditu Hondarribia eta bereziki Irungo kaleak betetzen. Orain arteko borroka ospatzeko elkarretaratze berezia egingo dute, baina nola ez, aldarrikapena alde batera utzi gabe. Asteleheneko (hilak 13) elkarretaratzea probestuko dute horretarako, eta besteak beste, sagardoa eta txistorra pintxoak banatuko dituzte bertaratutakoen artean. Bidasoko herritar guztiei luzatu diete gonbita.
