Migratzaileen zaurgarritasuna, hauskortasuna eta egunerokotasuna, performance batean bilduta
'Espejismo paraiso' performance-a eskainiko du bihar Urdanibia plazan Miriam Isasi irundarrak. 17:00etan izango da.
Igor Obesok sortutako beirazko eskultura bat izango da performance-aren ildo nagusia. Urdanibia plaza performance berezi baten lekuko izango da bihar. Izan ere, Miriam Isasi irundarrak Espejismo paraiso izeneko ekintza egingo du, 17:00etatik aurrera.
Gu e publikorako egokitutako performance bat dela zehaztu du sortzaileak, “puztutako beirazko eskultura batez eta zementuaz osatuta”. Hala, pieza hori eserleku batean jarriko dute, eta dantzari batek gunea aktibatuko du. “Beren gorputzaren mugimenduek proportzio fisiko eta arkitektonikoak deskribatzen ditu, kokapen, zaintza eta introspekzio ariketa eginez”. Obrarekin, migratzaileen ibilbidearen zaurgarriatasuna, hauskortasuna eta egunerokotasuna agerian utzi nahi du Isasik.
Beirazko piezak Igor Obeso irundarrak egin ditu, eta Isasirekin batera ere Helena Goñi argazkilaria eta Marcos Garcia dantzaria aritu dira.
