Elkarretaratzea egingo dute gaur 19:00etan, San Juan plazan, 'Hau ez da justizia!' lelopean.
Jendetza bildu zen San Juan plazan. Argazkia: Bidasoako IA. 
Altsasuko gazteei babesa adieraziko diote irundarrek gaur. Elkarretaratzea egingo dute 19:00etan, San Juan plazan, ‘Hau ez da justizia!’ lelopean.
Atzo jakinarazi zuen Altsasuko gazteen auziko epaia Espainiako Auzitegi Gorenak. Epai horrek 51 urtera jaitsi du espetxe zigorra; egun espetxean diren zazpi gazteei hiru urte eta bi hilabete, eta bederatzi urte eta sei hilabete arteko zigorrak ezarri dizkie.
Irungo Sortuk eta Erlaitz gazte mugimenduak bat egin dute deialdiarekin eta irundar orori luzatu diote bertaratzeko deialdia.
Bidasoari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako.Herrigintza egin nahi dudalako.Hiriko euskarazko komunitatearen parte izan nahi dudalako. Bidasoak eta bidasoarrok behar dugulako.
