Hiria ezagutzeko aukera Arma Plaza Fundazioaren eskutik
'Ezagutu zure hiria' izenpeko jarduera berriz ere abiatuko du fundazioak; datozen bi jarduerekin Javier Ugarte zenaren inguruko zikloari bukaera emango diote larunbatean.
Javier Ugarteren Hondarribiko postala
Javier Ugarte (Bartzelona, 1852 – Madril, 1919) abokatu eta politikari izandakoarekin berrabiaraziko du Arma Plaza Fundazioak Ezagutu zure hiria ekimena. Lehen hitzordua ostiralerako finkatu du elkarteak Javier Ugarte eta Hondarribiko Hiria 1852-1919 izenburupeko hitzaldia aitzakiatzat hartuta, Javier Varela de Ugarteren gidaritzapean.
Larunbatean bestalde, bisita gidatua egingo dute Javier Ugarteren bizitzako leku esanguratsuak lelopean. Bertan parte hartzeko interesa duten lagunek izena eman beharko dute 943643677 edo 943644623 telefono zenbakietan, edo posta elektroniko bidez.
Aipatutako bi jarduera horiekin Javier Ugarteren inguruko zikloari bukaera emango dio Arma Plaza Fundazioak. Udazkeneko eta neguko hilabeteei begira, hilabetero gai baten gaineko solasaldia eta bisita gidatua egingo ditu elkarteak. Aurten gainera, berritasun modura, jarduerak ostiraletan eta larunbatetan izango dira.
