Ondare elkarteko erraldoiek Irungo historia kontatuko dute
'Irun, historia erraldoia' proiekturako dirua behar du elkarteak. Sortuko dituzten erraldoi berriekin hiriko iragana gerturatu nahi dute.
Egungo konpartsa handitzea dute helburu. Aurreko astean zonbi eta euskal mitologiaren inguruko rol joko berezi batekin etorri baziren, aste honetan egitasmo berri bat aurkeztu du Ondare Kultur Elkarteak. Izan eren, Irun, historia erraldoia proiektua aurkeztu berri du Iñigo Mangas zuzendaritzako kideak. Elkarteko buruhandi eta erraldoiak erabilita, hiriko historia kontatu nahi diete herrikideei, bereziki etxeko txikienei. Eta horretarako, laguntza ekonomikoa behar du elkarteak.
Ondareko kideek diotenez, jada urtebete pasa da erraldoiak dantzatzen ikasteko ikastaroekin hasi zirela. Hiru urtetik gorako lagunek hartu ohi izan dute parte horietan, eta eskaera gero eta handiagoa izaten ari dela nabarmendu du Mangasek. Horregatik, konpartsa handitzeko premia ikusi dute zuzendaritzako kideek, adin guztietako eskaera guztiei erantzun ahal izateko.
Gauzak horrela, Gipuzkoako beste 14 proiekturekin batera, Meta! deialdian aukeratu berri dute irundarren proposamena. Hala, crowdunding kanpaina batekin hasiko direla jakinarazi dute elkarteko kideek, webgune honetan. Helburua, 11.000 euro lortzea.
Kanpaina zabaltzeko asmoz, bideo bat ere egin dute. Hilaren 19an ekingo diote diru bilketari. Informazio gehiago, helbide honetara idatziz edo 615 796 686 (Iñigo) telefono zenbakira deituz eskura daiteke.
