[Galeria] Festak ez du etenik
Dultzaineroak, sokamuturra, haurren parke erraldoia, musika emanaldiak eta beste hamaika ekitaldi izango dira egunean zehar.
Sokamuturra egin dute Kale Nagusian, zezenetako batek jendearen aurka egin du behin baino gehiagotan 
Alardearen biharamuna zaila izaten da hondarribiar askorentzat. Hala ere, aurreikusitako egitaraua aurrera jarraitzen du eta adin zein gustu guztiei zuzendutako ekitaldiak izango dira egun osoan zehar.
Goizari dagokionez, haur parke erraldoia zabaldu dute zezen plaza eta harresien arteko belardian. Eguraldia lagun, hamarnaka umek ilarak itxoin behar izan dituzte puzgarri guztiak probatu ahal izateko.
Kale Nagusian bestalde, sokamuturra egin dute. Zezenen bat nahiko bizi aritu da korrikalari zein ikusleen aurka, oihuren bat baino gehiago eraginez.
Hortxe goizean izandako haur parke erraldoiaren eta sokamuturraren argazki galeria.
