[Galeria] Buruhandiena eta erraldoiena izan da herria arratsaldean
Zezen Plazatik abiatu da konpartsa eta Alde Zaharreko kaleak kolpeka eta musikaz lagunduta zeharkatu ondoren, Portura jaitsi dira.
Kaleak bete dituzte buruhandien eta erraldoien kalejiran parte hartu duten lagunek 
Buruhandiak eta erraldoiak Alde Zaharreko eta Portuko kaleetan barrena ibili dira gaur arratsaldean. Zezen Plazatik abiatu da Hondarribiko Erraldoiak konpartsa, musikaz lagunduta, dantzaka zein kolpeka ere.
Pixkanaka, taldeak bidea egin ahala, jendea batzen joan da konpartsara eta San Pedro kalera iristerako, hamarnaka heldu eta ume parte hartzen ari ziren kalejiran.
