Auzitegi Gorenak arrazoia eman die amiantoagatik hildako Celestino Tolosaren senideei
Auzitegi Gorenak ez du Euskal Autonomia Erkidegoko Auzitegi Nagusiaren kontra CAF enpresak aurkeztutako helegitea onartu.
Otsanda Tolosa eta Kontxi Urbieta, sakelakoan Celestino Tolosaren argazkia, eurekin, dutela. Espainiako Auzitegi Gorenak ez du Euskal Autonomia Erkidegoko Auzitegi Nagusiaren kontra CAF enpresak aurkeztutako helegitea onartu. Sententzia horrek Celestino Tolosa irundarraren heriotza gaixotasunagatik izan zela ondorioztatu zuen; joan den urtean aitortu zuen EAEko Auzitegi Nagusiak hori.
Joan den azaroan jarri zion EAEko Auzitegi Nagusiaren epaiari helegitea CAFeko zuzendaritzat. Sententzia horren arabera, frogatuta geratu zen Celestino Tolosa arnastutako amiantoagatik hil zela. Irundarra asbestosiaren ondorioz hil zen, amiantoak biriketan eragin ostean.
Asbestosiarengatik hil zela frogatzeko gakoa irundarraren birikak izan dira. Valdecillako (Kantabria, Espainia) ospitalean izoztutako birikak berriz ere ikertu zituzten, eta bertan amianto zuntzak aurkitu.
Joan den azaroan elkarrizketatu zituen HITZAk Otsanda Tolosa eta Kontxi Urbieta, Celestino Tolosaren alarguna eta alaba, EAEko Auzitegi Nagusiaren epaiaren berri izandakoan. “Justizia egin da; ezin diogu omenaldi ederragorik egin aitari”, esan zuten orduan. Irakurri hemen osorik.
