Santiagotarrak taldeko Haur Mailakoak, ur bizietan bizi-bizi
Santiagotarrak Kirol Elkarteko Haur Mailako palistek estreinaldi ikusgarria egin dute Estatuko Slalom Kopan. Taldeka lehenak izan dira.
Santiagotarrak-eko kideen talde argazkia, Dumbrian. Santiagotarrak Kirol Elkarteko Haur Mailako kirolariak Gazteen Eslalomeko Estatuko Kopako lehenengo proban izan ziren asteburuan, Galiziako Dumbria herrian. Bertako 20 kide izan ziren han. Eta arrakastaz, gainera: taldekako sailkapenean irabazle izan ziren irundarrak, bigarren izan zen taldeari ia 500 puntuko aterata. Hori ez bakarrik, bakarkako lanetan domina asko irabazi zituzten, bi urrezkoak, lau zilarrezkoak, eta hiru brontzezkoak.
Urrezkoak Izar Garciak (A ataleko C1) eta Lauren Lacabanne eta Eneko Bidaurreta bikoak (B ataleko C2) lortu zituzten; zilarrezkoak Izar Garciarentzat berriz ere (K1), Aitor Iriondorentzat (C1), Ainara Azanzarentzat (B ataleko C1), eta Telmo Otegirentzat (A ataleko K1). Brotzezkoen irabazleak, hauek: Ainara Azanza (B ataleko K1), Javier Arruabarrena (A saileko C1) eta Aitor Iriondo (A ataleko K1).
Klara Olazabal eta Oier Rodriguez, Europakoan
Eslovakiako Liptovsky-Mikulas hirian jokoan izango da hilaren 4tik 7ra Europako Junior eta 23 Urtez Azpikoen Slalom Txapelketa. Bertan izango dira Santiagotarrak-eko kide Klara Olazabal eta Oier Rodriguez. Olazabalek 23 urtez azpikoen K1 eta C1 lehietan bilatuko ditu dominak, eta Oier Rodriguez Junior Mailako C1ean ariko da.
