Hamaika gazte sortzaileren lanek apainduko dute CBA
Beste urte batez jarraian bueltan da Kontenporanea kultur topaketa. Datorren hilaren 17tik 19ra bitarte egingo dute laugarren edizioa.
Juncal Eizaguirre Kultur ordezkaria, lanak aukeratzeko osatu duten batzordeko kideekin batera. Beste urte batez jarraian bueltan da Kontenporanea kultur topaketa. Datorren hilaren 17tik 19ra bitarte egingo dute laugarren edizioa (ostiraletik igandera), CBA Udal Liburutegi inguruan. Orain arte bezala, udalaz gain, Bitamine Faktoria izan da koordinatzaile nagusia.
Urtero bezala, Bitamine Faktoriako kideek jaso dituzten 40 lanen artean gutxi batzuk aukeratu behar izan dituzte. Hala, hamaika gazteren obrak aukeratu dituzte aurtengoan; guzti horien lanak CBAn ikusgai izango dira. Era berean, ekitaldi, azoka eta emanaldi ugari izango direla jakinarazi dute antolatzaileek, asteburu osoan zehar.
Aurtengo edizioa Nomad Studio bikotearekin hasiko dute. Europa osoa furgonetan zeharkatu dute, eta bidean zehar egin duten bezala, irundarrak eta eta hiria erretratatuko dute euren kamerekin. Bestalde, Ibai Sarasketa gazte irundarrak zuzeneko grafiti saioa egingo du. Informazio gehiago eta izen emate guztiak, webgune honetan.
