Santiagotarrakeko palistak, Gipuzkoako azkarrenak
Irungo Santiagotarrak taldeko pista sekzioak asteburu oparoa izan du. Joan den larunbatean, Gipuzkoako Neguko Txapelketa jokatu zuten Urolako uretan.
Taldeko sailkapenean lehenengo sailkatu dira. Irungo Santiagotarrak taldeko pista sekzioak asteburu oparoa izan du. Joan den larunbatean (hilak 16), Gipuzkoako Neguko Txapelketa jokatu zuten Zumaiako Urola ibaiko uretan. Bertan, lehenengo postua eskuratu dute taldeko sailkapenean, Zumaiako Urola Itsas-Adar eta Pasaia Kayak taldeen aurretik.
5000 metro zeharkatu zituzten kirolariek, eta orotara, taldeko 28 piraguista lehiatu ziren. Taldekako lehenengo postuaz gain, norbanako emaitza onak eskuratu dituzte. Taldeko 6 kirolarik urrezko domina eskuratu dute: Jon Moreno palistak 23 urte azpikoen kategorian, Beñat Arsuaga jubeniletan, Nerea Garcia jubeniletan, Eider Amundarain kadeteetan, Ibai Muñoz kanoa modalitateko kadetetan eta Ekaitz Azpiolea kadeetan ere.
