Tailer sorta, Bidasoko nekazaritza enpresen lehiakortasuna hobetzeko
Bost tailer horietan, gaurkotasun gaiei buruzko ekintzak egingo dituzte, eta hazkunde eta hobekuntzarako aukerak eskainiko dizkiete partaideei.
Irungo Hendaia kalean dago agentziaren egoitza berria izango dena. Eskualdeko nekazaritza enpresen lehiakortasuna hobetu eta horien garapen ahalmena handitzeko bidean, Irun eta Hondarribiko Udalek, Bidasoa Bizirik-ekin elkarlanean, bost tailer ezberdin antolatu dituzte. “Ekosistema ekonomiko enpresarialean nekazaritzako elikagaien sektoreak duen garrantzia ikusita, eta hobekuntza eta berrikuntza etengabe bat egiteko helburuarekin”, datozen hilabeteoi begira, programa zabala sortu berri dute.
Bost tailer horietan, gaurkotasun gaiei buruzko ekintzak egingo dituzte, eta hazkunde eta hobekuntzarako aukerak eskainiko dizkiete partaideei. Hala, horietako hiru tailer salmentara bideraturik egongo direla jakinarazi dute. Lehena datorren ostegunean (hilak 24) egingo dute (17:00etatik 19:00etara). Bertan, Basque produktuaren salmentarako argumentuak emango dituzte. Bigarren tailerra otsailaren 21ean egingo dute (9:00etatik 11:00etara), salmenta prozesuen digitalizatzearen ingurukoa. Martxoaren 7an berriz (9:00etatik 11:00etara), merkatu frantsesaren potentzialaz eta sinergiaz ariko dira.
Beste bi tailerrak, produkzio prozesuan zentratutakoak izango dira. Lehena, otsailaren 7an izango da (9:00etatik 11:00etara), organizazioa eta produkzio prozesuaren gestioaz. Azkena, martxoaren 21ean egingo dute (9:30tatik 13:00etara, Ficoban). Bertan, 4.0 izaera izango duen gourmet produktu baten sorreraren inguruan ariko dira.
Tailer guztiak Bidasoa Bizirikek Ducoureau Jauregian egingo dituzte (Hendaia kalea, 8). Izen emateak, agentziaren webgunean egin daitezke.
