[Bideoa] Hiru Leike talde irundarraren 'Ez da euria' lehen bideoklipa

Udan zehar hamaika kontzertu eskaini ostean, bikote irundarrak talde berriaren lehen ikus entzunezko lana kaleratu berri du.

Iñigo Muguruza, bideoklipetik ateratako irudi batean.

Iñigo Muguruzak musika eta Ane Odriozolak ahotsa. Bide berri bati ekin zion joan den apirila inguruan bikote irundarrak. Hiru Leike taldea osatzea erabaki zuten, eta udan zehar, Euskal Herriko hamaika oholtzatara igo dira. Gitarra akustikoa alde batera utzi eta elektrikoa hartu du berriz ere Muguruzak azken proiektu honetan. Bikoteak definitu duen bezala, bi lagunen arteko rock formatua entzungo dute taldearen kontzertuetara gerturatzen direnek. Orain, pausu bat gehiago eman dute biek, eta dagoeneko bikotearen lehen bideoklipa entzuteko aukera dago sarean. Hona, Hiru Leike taldearen ‘Ez da euria’ bideoklipa:
Joan den apirilean HITZAk Iñigo Muguruza musikaria elkarrizketatu zuen. Irakurri elkarrizketa.
 
Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.