Askatasuna, demokrazia eta justizia sozialaren alde borrokatu zutenen aldeko elkartea sortu dute
Kepa Ordoki Memoria Historikoa Bidasoan elkartean Irun, Hondarribia eta Hendaiako bizilagunak bildu dira, 1936tik 1978erako azterketa historikoa egiteko.
Gaur aurkeztu dute elkarte memorialista.
Batzaren helburuen artean Kepa Ordoki Vazquez Gernika Batailoiaren bizitza eta ibilbidea ezagutzera ematea dago. Gudari irundarrak Gipuzkoa, Bizkaia eta Santanderreko fronteetan borrokatu zuen, 24 urterekin, San Andres bataloiko kapitain gisa. 1937an, atxilotu eta heriotzara kondenatu zuten. Azkenean, exekuzio kondena hau ez zen aurrera eraman eta Duesoko presondegian atxilotu zuten. Duesoko kartzelatik eta Gurseko kontzentrazio esparrutik ihes egitea lortu ostean, Mexikora heldu zen 1942an. Bertatik, erresistentziarekin kontaktuan jarri eta, Eusko Jaurlaritzaren enkarguz, Espainia frankistan barneratuko zen armada baten formakuntzaz arduratu zen, baina Agirre Lehendakariak eta Ordoki berak suizidatzat jo zuten operazioa. Honenbestez, aliatuen esku gelditu zen Gernika Bataloia, II. Mundu Gerran, Kanpotarren eta Marokoarren 8. erregimentu mistoaren barruan. 1945eko apirilaren 14ean, Ordokik fronte atlantikoa askatzeko agindua jaso zuen. Montaliveteko (Point de Grave) Naziak irtenarazi zituzten, Garona ibaiaren ezkerraldean. “Balio moral eta militar” handiko ekintza honegatik, zilarrezko izarra zuen gerra gurutzea ezarri zioten eta Gernika Bataloia eta Ikurrin?a ohorez eta militarki agurtu zuen De Gaulle generalak pertsonalki. “Komandante. Frantziak ez du inoiz ahantziko euskaldunek herrialdea askatzen egindako esfortzu eta sakrifizioak”, esan zion.Lehen dibulgazio lana Elkartea aurkeztu bakarrik ez. Egin duten lehen lanaren berri eman dute gaurko agerraldian. Irungo atxilotze guneen gainekoa da. Ondoko estekan lan horren PDF artxibo osoa lor daiteke.
