Santiagotarrakeko ur bizien sekzioak 29 domina eskuratu ditu

Espainiako Ur Bizietako Jaitsierako Bigarren Kopa, Espainiako Ur Bizietako Sprint Jaitsierako Txapelketa eta Gazteen Espainiako Ur Bizietakko Jaitsierako Txapelketa jokatu zuten.

Imanol Saiz Gomez de Segura

Irun

2018/09/04

Taldeko argazkia atera zuten kirolariek.

Pasa den asteburuan, Leongo Sabero herriko Esla ibaian, Santiagotarrak elkarteko kirolariak lehiatu ziren. Zehazki, Espainiako Ur Bizietako Jaitsierako Bigarren Kopa, Espainiako Ur Bizietako Sprint Jaitsierako Txapelketa (patruiletan) eta Gazteen Espainiako Ur Bizietako Jaitsierako Txapelketa jokatu zuten. Asteburu oparoa izan da arraunlari irundarrentzat. Orotara, taldeko 14 piraguista lehiatu dira Leongo uretan (horietatik 8 federatuak eta 6 haur kategorietakoak). Hala, 29 dominekin bueltatu dira Irunera. Horrez gain, taldekako bigarren postua eskuratu dute federatuek, eta eskolarrak aldiz, lehenengo sailkatu dira (Fluvial o Barco taldearekin berdinduak). Federatuetan, nabarmentzekoak dira kadete kategoriako Haritz Azanzak K1 eta C1 Sprintean lortutako urrezko bi dominak eta K1 klasikoan eskuratutako brontzea, senior kategorian Paula Grijalbak C1 Sprintean irabazitako urrea, K1 Sprintean lortutako zilarra eta K1 klasikoan eskuratutako brontzea. Gainera, gazte kategoriako Juncal Munduatek C1 Sprintean zilarra eskuratu du, eta K2 Sprintean eta Klasikoan brontzezko domina banarekin bueltatu da. Gazte kategorian ere, Nahia Sorondok zilarrezko bi domina eskuratu ditu K1 Sprint eta Klasikoan. Amaitzeko, Itxaso Garciak urrea lortu du C1 Sprint gaztean eta Martin Arruabarrenak aldiz, C1 Sprint kadete kategorian. Gazteen Espainiako Ur Bizietako Jaitsierako Espainiako Txapelketari dagokionez, Haur A nesken kategoriako C1 modalitatean zehazki, Hiart Gaztelumendi lehena izan da, Maialen Olaso bigarrena eta Izaro Arruabarena hirugarrena. K1ean berriz, Olasok irabazi du eta Gaztelumendi bigarren izan da.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Santiagotarrakeko ur bizien sekzioak 29 domina eskuratu ditu

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak