Igerileku berriak, eztabaida iturri

Ahal Dugu taldeak sinadura bilketa hasi berri du, prezioak jaisteko helburuarekin. EAJk aldiz, oinezkoentzako sarbiderik ez dagoela salatu du.

Imanol Saiz Gomez de Segura

Irun

2018/07/19

Joan den astean (asteazkenean) ireki zituzten igerileku berriak.

Joan den astean (hilaren 11ean) ireki zituzten Txingudi San Martzial igerileku berriak. Udaletik jakinarazi dutenez, lehen astean, 1.225 irundarrek bisitatu dute gunea. Erabiltzaile ugari kexu azaldu dira igerilekuen prezioarekin. Horregatik, herritarren eskakizunei erantzunez, udalak tarifa murriztua martxan jartzea erabaki du (jubilatuak edota langabezian dauden herritarrei bideratua). Gainera, egun erdiko sarrera eskuragarri izango da, %50eko deskontuarekin. Sinadura bilketa Igerileku berrien prezioaren kontra azaldu berri dira Irungo Ahal Dugu taldetik. “Egun erdiko sarraren prezio berria ez da nahikoa”, adierazi dute. Horretarako, sinadura bilketa bati ekin diote azken egunotan. Hala, errentaren araberako deskontuekin denboraldi osoko abonua eskuragarri jartzea eskatu dute, baita kiroldegietako abonatuek deskontu handiagoa izan dezatela. Astelehenean ekin zioten sinadura bilketari, eta dagoeneko 1.150 sinadura lortu dituztela jakinarazi dute formazio moretik. Ahal Duguren idazkari nagusi Miren Echevestek adierazi duenez, “joan den ekainean ogasuneko komisioan proposatu genuen denboraldi osoko abonamenduak ezartzeko, prezio onargarri batekin eta , gainera, errentaren araberako deskontuekin”. Eskaera horren aurrean, Jose Antonio Santano alkatea “ez entzunaren” jarrera hartu duela kritikatu dute taldetik. “Txingudi San Martzialeko igerilekuetarako sarreren prezioa alkatearen taldeak dirua biltzeko duen gogoaren beste adibide bat da”, adierazi dute. Era berean, hiritarrek gauzak aldatu daitezkeela eta herriaren ahotsa udaletxean entzunarazi daitekeela erakusteko lanean jarraituko dutela adierazi dute. EAJk sarbide segurua nahi du Irungo EAJ taldeak, igerilekuen sarbidearen inguruan, gobernu sozialistak “aurreikuspen gabeko kudeaketa txarra” egin duela salatu du, eta “onartezina” dela adierazi du. Lehenik, gehienez 550 pertsonen eta 50 aparkalekuren edukiera duela kritikatu dute, eta ondorioz, ibilgailuentzako lekurik ez dela izango. Era berean, igerilekuan kanpoaldeko sarbidea egokitu gabe dagoela salatu dute. “Bisitan zehar, gure ustetan jada egina eta amaitua egon beharko lukeen oinezkoentzako espaloi proiektuaren egoera zein zen galdetu genuen. Eta honi, gobernu sozialistak, aurten igerilekuetara oinez joateko aukera ez dela izango erantzun zion, hiritarrak kotxea, motorra edota autobusa erabiltzera behartuz” adierazi du Xabier Iridoy bozeramaileak. Edonolako lanak egiterakoan, presa inoiz bide ona ez dela nabarmendu du Iridoyk, proiektu guztiak ongi pentsatuak eta egokituak izan behar dutela.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Igerileku berriak, eztabaida iturri

Gipuzkoa

Itxasok uste du beharrezkoa dela etxebizitza eskaintza handitzea tentsio eremuetako egoerari aurre egiteko

Coltrane eta Davis, 1926an jaiotako izarrak

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat