Haurrentzako xake ikastaroa abiatuko du bihar Marlaxkak
Izena eman nahi duenak telefonoz egin behar du. Hurrengo lau asteazkenetan egingo dute.
Leku paregabean eta konpainia onean. Horrela egingo da Marlaxka Xake Elkarteak udararako antolatu duen haurrentzako xake hastapen ikastaroa. Bihartik hasita, hurrengo lau asteazkenetan egingo dute Kasino Zaharreko lorategian: hilaren 11, 18 eta 25ean, eta abuztuaren 1ean, 17:30etik 19:00etara.
Izena eman nahi duenak 635 70 27 45 telefono zenbakira deitu behar du (Carlos). Ikastaroagatik ordaindu beharreko kuota 20 eurokoa da.
Marlaxkako haurrak eta nagusiak, Kasino Zaharreko lorategietan jokoan
