Asteburuko garaipenekin, Ligako lehen postura igo da Santiagotarrak

Irungo Santiagotarrak elkarteko pistako kirolariak XX. Euskadiko Ibai eta Maratoi Kopako bigarren eta hirugarren frogetan fin aritu dira.

Imanol Saiz Gomez de Segura

Irun

2018/06/06

Kategoria ezberdinetako kirolariak, familiako argazkian.

Irungo Santiagotarrak elkarteko pistako kirolariak XX. Euskadiko Ibai eta Maratoi Kopako bigarren eta hirugarren frogetan lehiatu dira pasa den asteburuan. Taldekako sailkapen orokorrean, bi frogetan, garaile atera dira irundarrak. Lortutako garaipenek Ligako lehen postuan kokatu dute Santiagotarrak. Bigarren froga Bilboko ibaian jokatu zuten, joan den larunbatean (hilak 2), BBKayak 2018 izeneko frogan. Donostia-Kayak eta Zumaiaren aurretik sailkatzea lortu zuten, 5 kilometroko zirkuituan azkarrenak izan ostean. Orotara, 11 garaipen eskuratu zituzten. Sergio Arana, Igor Nieto eta Nerea Garciak 23 urte azpikoen kategorian, Beñat Arsuagak junior kategorian, Unai Amostegi eta Ibai Muñoz kadeteetan, Ian Anatol infantil kategorian, Tania Prol eta Nerea Garcia seniorrean, Aimar Amundarain kadeteetan, Jon Urretabizkaia junior kategorian, Uxue Arsuaga eta Eider Amundarainek kadeteetan eta Izan Briz eta Ruben de La fuente infantil K2 kategorian, lehenak izan ziren. Horiez gain, beste hamaika ontzik bigarren postua eskuratu zuten. Era berean, Euskadiko Ibai eta Maratoi Kopako hirugarren froga jokatu zuten Butroeko ibaian, 12 kilometroko ibilbidearekin. Taldekako garaipena eskuratu zuten Santiagotarrakeko kirolariek oraingoan ere, Donostia Kayak eta Getxo Kaya taldeen aurretik. Beñat Arsuaga eta Intza Mendezek junior kategorian lehen postuak eskuratu zituzten. Asier Romero ere lehena iritsi zen seniorretan, Sergio Arana eta Ibai Muñozek ere kadeteetan egin duten bezala. K2an, Tania Prol eta Nerea Garcia seniorrek ere irabazi zuten, baita Irene Gorrotxategi eta Eider Amundarain kadeteek. Bigarren Jon Urretabizkaia, Alex Anatol eta Ekaitz Aizpiolea izan ziren.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.