BATen bigarren garaipena

Irungo Bidasoa Atletiko Taldeko gizonezkoek garaipena eskuratu dute Donostiako Anoeta estadioan. Orotara, bakarkako lau garaipen eskuratu dituzte.

Imanol Saiz Gomez de Segura

Irun

2018/05/21

Gizonezkoen taldea, Donostiako Anoeta estadioan.

Irungo Bidasoa Atletiko Taldeko gizonezkoek garaipena eskuratu zuten joan den larunbatean Donostiako Anoeta estadioan jokatutako jardunaldian. Gizonezkoen taldeak Estatuko Lehen Mailan lortzen duen denboraldiko bigarren garaipena da. Orotara, bakarkako lau garaipen, zortzi bigarren postu eta zazpi hirugarren postu eskuratu dituzte kirolariek asteburuan. Mikel Camponek pertika jauzian irabazi zuen (4.80ak gaindituz), Mikel Mateyk altuerako jauzian (1.98 metroko saltoarekin), Asier Zarandona disko jaurtiketan (43.03 metroko jaurtiketarekin) eta Mikel Campon, Eneko Carrascal, Mikel Agirre eta Alvaro Cerron lasterkariek egindako 4×100 erreleboan ere lehenak iritsi ziren (43.03 segundoko iraupenarekin). Bigarren postuak berriz, Juan Errandonea (salto hirukoitza), Ricardo Tevar (100 metro hesi), Luis Aranzabal (pertika jauzia), Jose Mari Peso (800 metro), Mikel Arburua (altuera jauzia), Alvaro Cerron (100 metro leun) eta Leo Romerok (5 kilometroko martxa) eskuratu dituzte. Eneko Carrascal (salto hirukoitza), Alex Agiriano (luzera jauzian), Rodrigo Mendoiza (3.000 metro), Christian Cortes (200 metro), Jon Ruiz Lasa (mailu jaurtiketa), Gonzalo Tamayo (pisu jaurtiketa) eta Jon Ruiz Bermudezek (3.000 metro oztopoak) zilarrezko dominarekin bueltatu dira etxera. Horrela, bigarren garaipen horrekin, Estatuko Lehen Mailako hirugarren postuan sailkatu da BATeko gizonezkoen taldea, C.D. Surco Aventura eta Atletico Salamanca-ren atzetik zehazki. Emakumezkoen Ohorezko Mailan ere, fin Era berean, BAT-eko neskek ere Ohorezko Mailako bigarren jardunaldia jokatu zuten joan den larunbatean Castellon-en. Hirugarren postua eskuratu zuten neskek, eta horrela bi puntu lortu dituzte. Malen Ruiz de Azuak lehen postua eskuratu zuen pertikako jauzian, 4,25 metroak gaindituz. Teresa Errandoneak 8 puntu lortu zituen taldearentzat (100 metro hesia), 12.9 segundoko lasterketarekin. Clara Viñarasek ere garaipena lortu zuen 3.000 metro oztopoak frogan. Asteburuko emaitzak kontuan hartuz, hirugarren postuan daude sailkapenean, 152 punturekin.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

BATen bigarren garaipena

Gipuzkoa

Donostiako Karmengo jaietan jasandako «jazarpen poliziala» salatu dute dozenaka herritarrek

Jon Sarasua euskaltzain oso izateko hautagai izendatu dute

Donostiako Piratek bertan behera utzi dituzte abuztuaren 14ko kontzertuak

Memoria historikoari begiratzeko bi proposamen bateragarri egin dituzte Carla Filipek eta Taxio Ardanazek

Uholdeak gertatu aurretik abisu emateko sistema bat sortu dute Pasai Donibanen

Hernani eta Irun lotzen dituen Renfeko tren zerbitzua etengo dute uztailaren 25etik irailaren 6ra

Bergarako eta Zarauzko autoen ikuskapen zentroetan greba mugagabeari eutsiko diote

Beasaingo Urkiola jatetxeak irabazi du Jakitea elkartearen Juan Manuel Garmendia gastronomia saria

Torreko Hodia ikusgai jarriko dute Ekainberrin, duela 12.000 urte grabatutako pieza bat

Deeptek-Gipuzkoa fundazioak programa bat abiarazi du enpresa zientifikoei laguntzeko

Ertzaintzak Donostiako Karmengo jaietan «herritarren aurka erabilitako indarkeria» salatu du EH Bilduk

Donostiako Karmengo jaietan jasandako «jazarpen poliziala» salatu du besta batzordeak