Alarma gorria piztu da Hondartzan

Azken lau partidak galdu eta gero, jaitsieratik bi puntura jarri da Hondarribia Futbol Elkartea.

Asier Perez-Karkamo

2018/05/14

Hondarribiafe futbola Hondarribia Futbol Elkartea

Azken lau partidetan zortzi puntu jan dizkio Urolak Hondarribia Futbol Elkarteari

Azken lau partidak galdu eta gero, jaitsieratik bi puntura jarri da Hondarribia Futbol Elkartea. Azken hilabetean Zumarraga-Urretxuko taldeak 8 puntu lortu ditu, eta bakar bat ere ez Hondarribiak. Horrek, ia ezerezean utzi du bien arteko aldea; bi puntukoa baino ez da orain. Apirila erdialdean ia ezinezkoa zirudien arren, Urolaren salbatzeko aukerak izugarri handitu dira azken bolada onari esker. 29. jardunaldiaren aurretik bederatzi ziren jaisteko borrokan murgilduta zeuden taldeak, orain bi dira bakarrik, Urola eta Hondarribia, beste zazpiak dagoeneko salbatuta daude. Alarma gorria piztu da Hondartza futbol zelaian, etxeko taldeak sei partida daramatzalako irabazi gabe. Sei partida horietan, gainera, 18 gol jaso ditu, eta 4 sartu. Egia da sailkapeneko talde indartsuen kontra jokatzea tokatu zaiola. Baina une honetan atzetik datorrenak ondo erakutsi du salbazioan sinisten duela, eta emaitzek sentsazio hori areagotu baino ez dute egin. Lehen aukera, Mutrikun Azken bi partidetan, Hondarribiak multzoko erdialdean dauden taldeen kontra jokatuko du, ezer jokoan ez dutenak. Hori dute alde berdeek. Urolak, aldiz, hirugarren postua defenditu eta bigarren izan nahi duen Tolosa izango du lehen aurkaria, eta jaitsita dagoen Touring, azken jardunaldian. Ikusi sailkapena Salbatzeko, Hondarribia FEk baino bi puntu gehiago lortu behar ditu Urolak, eta hori galarazi, Hondarribiko taldeak. Hurrengo asteburuan Hondarribiak irabaziko balu —Mutrikun jokatuko du—, eta Urolak berdindu ala galdu, Zumarragako taldea Erregionalera jaitsiko lirateke. Beste edozein emaitza emanez gero, azken jardunaldian erabakiko litzateke jaitsierako hirugarren postua.

Hondarribiko kirol emaitzak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Alarma gorria piztu da Hondartzan

Hondarribiko kirol emaitzak

Gipuzkoa

‘Noraeza eta bidea’ izeneko erakusketa eta bi artista liburu aurkeztu dituzte Oiartzunen

Patxi Goenaga hizkuntzalaria hil da

Salatu dute Azorak Donostian hutsik dituen etxeetako batzuk legez kanpoko pisu turistikoak direla

Gaur hasiko da Booktegi jaialdia, «literatura zentzu zabalean ospatzeko»

Gipuzkoako Foru Aldundiak %10 handituko du aurrekontua, 1.433 milioi euroraino

‘Desobedienteak 18/98’ antzezlanarekin hasiko dira Azpeitiko antzerki topaketak, bihar

Salatu dute azaroaren 11n bi adingabe dituen familia bat etxegabetu nahi dutela Donostian

Larunbatetik aurrera, Renferen erabiltzaileek Hernani eta Irun arteko ibilbidea trenez egin ahal izango dute beti

Errenteriako Udalak lursail bat laga dio Jaurlaritzari, alokairurako 45 etxebizitza babestu eraikitzeko

Gipuzkoako autoeskolak kexu dira 6.000 pertsona baino gehiago daudela azterketa praktikoa egiteko zain

Donostiako Herrera auzoko bizilagunek salatu dute «bazterturik» daudela, eta elkarretaratze bat antolatu dute etzirako

Txomin Letamendiren sendiak justiziaren aitortza nahi du zikloa ixteko

Gipuzkoako Moeve gasolindegietako langileek bertan behera utzi dute greba