2017ko aurrekontuetan 26 milioi sobratu izana salatu dute SPI eta EH Bilduk

PSE-EEri gezurrik ez esateko eskatu diote gaur, 2017ko aurrekontuetan sei milioi euroko etekin positiboa izan beharrean, 26 izan direlako.

Imanol Saiz Gomez de Segura

Irun

2018/04/20

Melida eta Soto, gaurko agerraldian.

Joan den apirilean, Irungo Udalak 2017ko udal kontuen likidazioa egin zuen, eta emaitzen arabera, sei milioiko etekin positiboarekin bukatu zuten urtea. Gaur, Irungo Si Se Puede eta EH Bilduk agerraldia egin dute, likidazioari buruz “kezkatzen” dituen zenbait datu aztertu dituzte. “Udal gobernua bere kudeaketa, bere gaizki izendatutako superabita eta bere aurreikuspen gaitasuna harrokeriaz defendatzera ateratzen den bitartean, hemen gauden bi taldeok ezgaitasun nabarmena, kudeatu gabeko partidak eta aurreikuspen falta ikusten dugu”, adierazi dute SPIko David Soto eta EH Bilduko Jokin Melidak. Adierazpen horiek argudiatzeko, 2016ko datuak iazkoekin alderatu dituzte. Horrela, 2016an aurrekontuen %78,36a exekutatu zen bitartean, 2017an %70,94ekoa izan dela argudiatu dute. Sotok adierazi dutenez, exekutatu gabeko dirua bizitza baldintzak hobetzeko ez da baliagarria izan, eta hortaz, “aurreikuspen txarra” egin dutela eta udalak aurrekontuak kudeatzeko izan duen “ezgaitasuna” nabarmendu du. 26 milioi soberan Melidak azken bi urteotako diru sarrerak aztertu ditu lehenik. 2016an %84,89koa izan zela adierazi du, 2017koa %76,23koa izan den bitartean. Jaitsiera hori oraindik esplikatu ez izana leporatu dio udal gobernuari bozeramaileak. Ondorioz, urte guztian zehar gastatu den dirua kudeatu ondoren, 26 milioi euroko soberakina ageri dela salatu dute bi alderdiek. Horregatik, “2017ko partidak edo ez dira exekutatu, edo aurreikusita zegoena baino gutxiago gastatu da”, adierazi du. Likidazioa egiterako momentuan “soberakinaren inkorporazioa” eman dela kritikatu dute bi bozeramaileek, 26 miloi horiek “agerian ez gelditzeko”. Alkate Jose Antonio Santano eta Ogasun ordezkari Miguel Angel Paezi gezurrik ez esateko eskatu diote gaur, sei milioiko etekin positiboa izan beharrean, guztira, 26 izan direlako. Udalak kudeaketa “arrakastatsua” bezala definitu izana leporatu diote, eta gastatu edo inbertitu ez den diru hori, oraindik exekutatzeko dagoela edo “kaxoian” gorde dutela. “Gastatu ez den euro bakoitza erabili ez den dirua da”, adierazi du Sotok, Irunek dituen beharrei erreferentzia eginez. Amaitzeko, Melidak ondorengo gogoeta utzi du: “Guztiok hilaren bukaerara itota iristen garen bitartean, gure inguruko elkarte eta taldeetan ekimenak aurrera eraman ezinean daudenean, Irungo Udalari 26 milioi sobratzen zaizkio”. Halere biek onartu dute milioi horietan “kasuistika zabala” dagoela, baina horietatik “milioi asko kontratuen prezioen jaitsieraren kontura” izan direla salatu dute, “euren lan baldintzak erabat prekarizatuta ikusten dituzten” bitartean.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

2017ko aurrekontuetan 26 milioi sobratu izana salatu dute SPI eta EH Bilduk

Gipuzkoa

Tolosako Osoki Lanbide Heziketa zentroak ehun urte bete ditu aurten

Iñake Irastortzak jasoko du Euskal Aktoreen Batasunaren Ohorezko Besarkada saria

Sute batek 80 hektarea erre ditu Zaldibian

X konpainiak ‘Cuerpas’ ikuskizuna estreinatuz emango dio hasiera LABO XL jaialdiari

Amaitu dituzte ‘Gure Gaskuña’ itsasontzitik erregaia ateratzeko lanak

Ertzaintzari «mespretxu» egin izana egotzi die EAJk Andoain, Tolosa eta Pasaiako EH Bilduren gobernuei

Andoainen eskola segregazioa eragozteko neurriak hartzeko eskatu diote Jaurlaritzari

Donostiako Udalbatzak 515 milioi euroko aurrekontua onartu du 2027rako, %3,9 handiagoa

Hobera egin du Gipuzkoako enpresen egoerak, baina inbertsio txikiagoak espero dituzte 2027rako

‘Ghost in the Cell’ filmak irabazi du Donostiako Beldurrezko Zinemaren Asteko sari nagusia

Bi gazte atxilotu dituzte Tolosan, bi udaltzaini eraso egitea egotzita

Donostiako Udalak Eusko Jaurlaritzari lagako dizkio Txomin Enea II eremuko lursailak

Azpeitiko Elmubasen lehen enpresa itunak euskaldunak kontratatzea lehenetsiko du

CAF zigortu dute, amiantoaren prebentzioan «arau hauste larri bat» egiteagatik