Dagoeneko Letxunborro etorbideko bidegorria egiten hasi dira

Lau hilabeteko epean amaituko dituzte obrak. 2017ko aurrekontu partehartzialeetan bozka gehien jaso zituen proposamena izan zen.

Imanol Saiz Gomez de Segura

Irun

2018/04/13

Lau hilabete barru, Letxunborro hiribideak bidegorria izango du.

Letxunborro etorbideak bidegorri berria izateko obrekin hasi berri dira azken egunetan. Udalak jakinarazi duenez, lau hilabeteko epean amaituko dituzte lanak. 2017ko aurrekontu partehartzaileetan bozka gehien jaso zituen proposamena izan zen. 1,1 kilometroko luzera izango du bidegorri berriak. Udaletik jakinarazi dutenez, ibilbide guztian zehar bidegorriak ez du itxura berbera izango. Zubimuxu eta Gibeanakako biribilgunearen artean bi noranzko bidegorria egingo dute, eta horren ondorioz, errepide bat kendu beharko dute. Gibeanakatik aurrera, bidegorrian gorako eta beherako bi bide berri egingo dituzte (bakoitzak 1,20 metroko zabalerarekin), eta ondoko errepidea dagoen bezala utziko dute. Era berean, Balleneros, Arbesko Errota edota Artaleku inguruko oinezkoen pasabideetan ere zenbait hobekuntza egiteko nahia adierazi du udalak, eta proiektu guztirako (Letxunborroko bidegorria barne), 241.790,31 euroko aurrekontua dute. Oinezkoen irisgarritasuna hobetzeaz gain, Luis Marianoko gizarte zentroan ere zenbait hobekuntza egin dituzte azken egunetan. Sarbidea erraztu dute, eta horretarako, lurra, baranda edota atea berritzen ari dira. Horretarako, udalak 58.170 euro inbertituko ditu.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Dagoeneko Letxunborro etorbideko bidegorria egiten hasi dira

Gipuzkoa

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik