Iridoy: "Korrokoitzen inguruko gaia erabat argitu arte ez gara geldituko"

Irungo alkate Jose Antonio Santanok hirigintza ordezkari ohiaren kontra esandakoak frogatzeko baliatu nahi izan dute gaurko adiskidetze saioa.

Imanol Saiz Gomez de Segura

Irun

2018/04/12

Xabier Iridoy.

‘Korrokoitz auziak’ udal krisia eragin zuen joan den urtarrilean. Jose Antonio Santanok Xabier Iridoy kargugabetu zuen, “hirigintza legalitatetik kanpo” lan egin izana leporatuta. Horren harira, auzibidera joan zuen EAJk. Santanok hirigintza ordezkari ohiaren kontra esandakoak frogatzeko baliatu nahi izan dute gaur egin duten “kontziliazio” izeneko adiskidetze saioa, alkateak jeltzalearen aurka esandako “akusazio larrien” frogak aurkezteko. Gaurko saioaren ondoren, Xabier Iridoyk zenbait kontu argitu nahi izan ditu. “Ez dugu onartuko gezurra egiaren gainetik nagusitzea, horregatik ez dugu amore emango gai honen inguruko guztia argitu arte, irundar herritarrek errealitatea, zintzotasuna eta argitasuna behar eta merezi dutelako”, adierazi du. Horrez gain, bozeramaile jeltzaleak alkateak “gezurra eraso moduan eta inolako funtsik gabe” erabili duela salatu du, hirigintza ordezkari ohiaren “irudia eta ohorea kaltetuz”. Beste behin Santano legearen gainetik ez dagoela nabarmendu nahi izan du, eta politikan denak ez duela balio. Era berean, Santanok oraindik frogak aurkeztu ez dituela gogor salatu du jeltzaleak, eta alkatea berak esandakoa “berresten” jarraitzen duela. Datu zein frogarik aurkeztu ez izana leporatu diote alkateari, eta hiriak “interes pertsonala nagusituz lan egiten duen alkate bat” merezi ez duela adierazi du. Amaitzeko, Irun “denok” egiten dutela nabarmendu du.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Iridoy: "Korrokoitzen inguruko gaia erabat argitu arte ez gara geldituko"

Gipuzkoa

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko

Donostiako Harrera Sareak salatu du lau kide identifikatu dituztela etxegabeei janaria emateagatik