‘Dirtbag: The Legend of Fred Beckey’, iazko sari nagusia
Bilbao Mendi Film Festivaleko (BMFF) bost film ikusteko aukera izango da asteburuan Hondarribiko Itsas Etxea Auditoriumean. Horien artean, iazko sari nagusia jaso zuen Dirtbag: The Legend of Fred Beckey dago (trailerra, behean), baita Aurrera euskal ekoizpena.
Abenduro egiten dute Bilboko mendi filmen jaialdia eta iaz 10. ekitaldia bete zuen. Javi Baraiazarra jaialdiko zuzendariaren hitzetan, “mendia, abentura eta natura gaien zinemagintzako nazioarteko film onenak eta berrienak aurkezten ditu jaialdiak”. Nabarmentzen diren filmekin Mendi Tour ekitaldi ibiltaria osatzen dute eta, modu horretara, jaialdira hurbiltzerik ez duten zaleek izaten dute filmetako batzuk ikusteko aukera. Hondarribira iritsi aurretik, beste hamalau leku bisitatu ditu Mendi Tourrak aurten, eta 5.000 lagunetik gora ikusle bildu ditu.
Hondarribiko Udalak hirugarrenez antolatu ditu Bilboko jaialdiari lotutako proiekzioak. Aurten, larunbatean eta igandean ikusteko aukera izango dira, 3 euro ordainduta. Kalixa Silanes Udaleko Kultura eta Kirol zinegotziak herritarrei gonbita luzatu die: “Gure kultur eskaintzan hirugarren urtez txertatu dugun ekitaldia da. Oso maila altuko mendiaren eta naturaren inguruko filmak ikusi ahal izango ditugu. Oso aukera polita da eta dei egin nahi nieke hondarribiarrei eta inguruko herrietakoei ere ikustera joateko. Pena merezi du”.
Hiru luze eta bi labur
Hondarribiko proiekzioak larunbatean eta igandean izango dira, 20:00etan. Jaialdiak Zineuskadi-rekin duen elkarlana medio, proiekzio guztiak jatorrizko bertsioan eta euskara eta gaztelaniazko azpitituluekin eskainiko dira, euskarazko Aurrera filma salbu —soilik gaztelaniazko azpitituluekin—.
Orotara, bost lan proiektatuko dira Itsas Etxean, larunbatean bi eta igandean hiru. Larunbateko filmetako bat iazko sari nagusia izango da, Dirtbag: The Legend of Fred Beckey. Aurretik, Where the Wild Things Play film laburra eskainiko dute. Igandean Aurrera eta Ben Page zuzendari onenaren The Frozen road laburrak, eta Epaimahaiaren Aipamen Berezia jaso zuen Mountain.
Saio bakoitzerako sarrerak 3 euro balio dute eta Arma Plaza kultur gunean eros daitezke, baita Internetez ere. Emanaldien egunetan, Itsas Etxeko leihatilan izango da erosteko aukera, saio bakoitza hasi baino bi ordu lehenagotik.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
