Balkoi askotan ikusi ziren mantalak eskegita, plantoaren ikur bezala. Irudia, san Nikolas kalekoa da
Eskualdeko deialdiak Irunen egin ziren arren (manifestazioa 12:00etan eta giza-katea 18:00etan), hara joaterik ez zuten emakume hondarribiar asko atera ziren kalera goizez nahiz arratsaldez, eurek ere planto egiten zutela erakusteko (ikusi argazkiak, behean).
Goizean modu askotara erakutsi zioten hondarribiarrek greba deialdiari atxikimendua: mantalak balkoian eskegita, morez edo arropa moreren batekin jantzita, planto egiteko kartelak edo bestelakoak zabalduta, denda ordu batzuez itxita…
Langile kopuruari begiratuta, Hondarribiko Udala eta Talaia Eskola dira herriko bi lantoki nagusiak, eta bietan elkarretaratzeak egin zituzten. Udal langileak udaletxeko arkupeetan elkartu ziren, 12:30etik 13:00etara; Talaiako irakasle eta langileak Santa Engraziko biribilgunean, 13:00etan.
Bitartean, zientoka hondarribiar batu ziren Irunen egin zen manifestazio historikora. Udaltzaingoaren arabera, 8.000 pertsona elkartu ziren Irungo erdialde osoa kolore morez margotzeraino.
Arratsaldekoa, ezustean
Eta arratsaldean, inprobisatutako elkarretaratzea egin zen San Pedro kalean. WhatsApp bidez egin zen deialdia, 19:00etan 15 minutuz elkarretaratze isila burutzeko. Oso polita izan zen, inork ez zekielako zehazki non zen egitekoa; bost minutu falta zirela asko ziren hara eta hona zebiltzan herritarrak, multzoa non sortuko zen ikertuz bezala.
Pixkanaka-pixkanaka Zeria jatetxe inguruan taldetxoa sortzen hasi zen eta, bukaerara, 200 lagun baino gehiago elkartu ziren. Txalo artean bukatu zuten kontzentrazioa.
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
