Bidasoko enpresetan 4.0 industria martxan jartzeko lanean ari da Bidasoa Bizirik

Eskualdeko enpresa industrialetan azken teknologi eta metodologiak abian jartzeko 'Connect innovation bai!' programa abiarazi dute.

Imanol Saiz

Irun

2018/02/06

Álvaro Coca, Industriako Zuzendaria Alcad-en; Miguel Ángel Páez, Bidasoa bizirik-eko presidentea; Maria Serrano, Bidasoa bizirik-eko Kontseilaria eta Jon Petranlanda, IDOM Consulting-ekoa.

Irungo eta Hondarribiko Udalak, Bidasoa Bizirik-en bitartez, eskualdeko enpresa industrialetan azken teknologiak eta metodologiak sartzeko lanean ari dira. Horretarako, ‘Connect innovation bai!’ programa abiarazi dute. Programaren lan ildoa bi udalerrietako enpresa industrialei 4.0 industriako azken teknologien erabilerak helaraztea da. 2016ean, Spri-ren bidez, formazio eta sentsibilizazio barnetegia egin zuten eta joan den urtean 4.0 teknologietan arreta jarriz, tailer bereziak egin zituzten. Orain, 4.0 industria eskualdeko enpresetan martxan jartzeko aholkularitza zerbitzua eskainiko dute. Bestalde, programarekin ekin aurretik, IDOM Costulting-i eskualdeko 4.0 industriek bizi duten egoeraren ikerketa egitea eskatu zioten. Ikerketa horretan, tamaina ezberdineko 15 enpresa diagnostikatu zituzten, eta ondoren, transformazio digitalerako ekintza plan indibiduala aurkeztu zieten. Ikerketaren ondorioak ondorengoak dira: 2.0 eta 3.0 puntuen arteko maila batean dago eskualdeko heldutasun digitala (muntatze kateak erabiltzen direla baina ezberdintasun handia dagoela enpresen artean). Bestalde, Miguel Angel Paez Bidasoa Bizirik-eko presidenteak “eskualdeko industria nahiko aurreratua” dagoela ondorioztatu du, baina hala ere, “bide luzea egin beharra” dagoela. Gainera, aldaketa hori gauzatzeko, eskaintza eta eskari teknologikoaren arteko oreka handiagoa behar dutela ere argitu dute Bidasoa Bizirik-etik.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.