[Galeria] Umore grafikoa, eta euskalduna

Txiste grafikoa umorea lantzeko beste era bat da. Eta euskaraz bada, hobe. Gaur Hondarribiko Txiste Grafikoen Lehiaketako sariak eman dituzte.

Urko Etxebeste

Hondarribia

2017/11/25

Irabazleen eta antolatzaileen talde argazkia.

Gaur banatu dituzte Hondarribiko Txiste Grafikoen Lehiketako Sariak, Kultur Etxean. Hiru mailatan bina sari eman dituzte, eta horiek erabakitzeko arduradun Antton Olariaga eta Iñaki Arzak izan dira. Esan dutenez, zail izan dute aukeraketa egitea —D mailan ez, helduenean, hiru lan aurkeztu direlako—, eta antolatzaileei, hau da, Hondarribiko Udaleko Euskara Arloari, eskatu diote hurrengoetarako saridunen kopurua handitzeko. Eskaera egina. Olariagak irabazleen umorezko lanak xehetu ditu, bakoitzaren ezaugarriak aipatuz. Arzakek, bere aldetik, goratu du aurten parte hartzeak gora egin duela, eta hori izan daitekeela ikastetxeetako irakasleek, haurrak animatu dituztelako umorea euskaraz egitera. 26. ekitaldi honetan, gora egin du parte hartzeak, beraz. Arantxa Berrotaran Euskara Arloko zinegotziak nabarmendu duenez, euskaraz ere egin daiteke umora, bokadilloen eta marrazkien bitartez oraingo honetan. Sailak gazteengan arreta jarrita duela adierazi du, eta zentzu horretan, euskarara beste era batera iristeko modua dela txiste grafikoena. Lan irabazleetan tronpa izugarri handiko elefanteak, ikasgelako pasadizoak, alardea edo Kataluniako egoera politikoa izan dituzte umorerako gai, besteak beste, irazleek. Hizketaldiak eta sari ematea bitartean, Aitor Txarterinak bapateko marrazketa eta umore erakustaldia egin du. Hondakoa da aurtengo Txiste Grafikoen Lehiaketaren palmaresa: D mailako irabazleak (12 urtetik beherakoak)

Mara Curiel Oronoz Animaliak desberdintzen lanarekin.
Jose Etxebeste Komikietan lanarekin.

B mailako irabazleak (12-16 adin tartekoak)

Nahikari del Val Fernandez Olioa eta arrautza lanarekin.
Eveline Luana Andereñoa eta Mikel lanarekin

A mailako irabazleak

Bigarren saria: Lara Elisabeth Goikoetxea Armijos Irailaren 8a lanagatik.
Lehen saria: Oliver del Val Hernandez Kataluniako boto hegalariak lanagatik.

Jarraian, sari banaketaren irudi galeria.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.